～琉球新報さん記事：沖縄ハンズオンＮＰＯ理事長「Bold Award」受賞～1.4

1月4日ぬ琉球新報記事うとーてぃ、アメリカぬ著名な雑誌ボールド(本拠地：ジョージア州アトランタ)からぬ 表彰ぬ記事あいびーたん。 うぬ表彰や ライフスタイルマガジン「Bold Favor Magazine」主催ぬ「Bold Award」んでぃる賞 やいびーん。 昨年12月3日、世界各国ぬ応募先ぬ中から 沖縄ハンズオンNPO安慶名達也理事長 が選出さってぃ、アジア圏で初みてぃぬ 受賞、ジョージア州 知事からぬ 激励ぬメッセージんあいびーたん。 沖縄ハンズオンぬ 地域貢献活動(青少年人材育成、しまくとぅばを通した文化・アイデンティティー普及および認知症行方不明者防止ネットワークづくり)評価さりてぃ、大変価値ある賞 受賞さびたん。 くぬ栄誉ある賞、獲得そーるくとぅや、日頃から沖縄ハンズオンぬ 活動を応援し、しまくとぅばドキュメンタリー製作んかい 協力そーる カナダ出身ポール・グリーブさんぬ 推薦ぬ 御蔭やいびーん。 ポールさんや いっぺー 素晴（ちび）らさぬ 肝心（ちむぐくる） 持っちょーいびーくとぅ、人ぬ魂とぅ、志ぬ縁(ゐん)繋じ、選ばりたる 賞やいびーん。 ポールさんいっぺーにふぇーでーびる！ 最後に くぬ受賞ぬ 喜びや 沖縄県内うとーてぃ、社会的弱者ぬ為なかい 日頃から 従事する 同志達んかい 捧（うさ）ぎやびら。